საინფორმაციო ცენტრი +995 322 485 511
ეკიპაჟი
"ჯორჯიან ეარვეისის" ხომალდებს  დიდი გამოცდილების მქონე კვალიფიციური მფრინავები მართავენ. ეკიპაჟის ყველა წევრს გავლილი აქვს თეორიული და პრაქტიკული სწავლება, ასევე, ექვს თვეში ერთხელ გადიან განმეორებით ტრენინგებს Boeing და CRJ თვითმფრინავების მოდელებზე შემდეგ სასწავლო ცენტრებში: Pan American- საფრენოსნო აკადემია (მაიამი, ფლორიდა), ICARE- სასწავლო ცენტრი (საფრანგეთი),UAB Cam & Cons (ვილნიუსი, ლიტვა), Malev - სასწავლო ცენტრი (უნგრეთი).

 

"ჯორჯიან ეარვეისის" პილოტებს მინიჭებული აქვთ მე-2 და მე-3 კატეგორიის ხარისხი, რაც  მათ არასასურველი ამინდის პირობებში ოპერირების უფლებას აძლევს.
ავიაკომპანია "ჯორჯიან ეარვეისში" დასაქმებულია 36 მაღალკვალიფიციური მფრინავი. მფრინავების  საშუალო ასაკი  30-45 წელია.
ბორტგამცილებლები
ავიაკომპანია "ჯორჯიან ეარვეისის"  პროფესიონალი ბორტგამყოლები უზრუნველყოფენ მაღალი დონის მომსახურებას საჰაერო ხომალდზე უსაფრთხო და კომფორტული ფრენებისთვის. ''ჯორჯიან ეარვეისის"  ბორტგამყოლებს გავლილი აქვთ როგორც ერთჯერადი, ასევე  რეგულარული სასწავლო კურსები საქართველოს საავიაციო უნივერსიტეტში, აგრეთვე გერმანიის, ჩეხეთის და უკრაინის სასწავლო ცენტრებში.
ბორტგამცილებლების სწავლება გრძელდება ექვსი თვე და მოიცავს თეორიულ და პრაქტიკულ მეცადინეობებს ისეთ სფეროებში, როგორებიცაა  ფრენის უსაფრთხოება და ინციდენტების პრევენციის შემთხვევები,  საგანგებო პროცედურები და ევაკუაცია,  პირველადი სამედიცინო დახმარება და მგზავრების მომსახურება.

ბორტგამყოლების შერჩევა  ხორციელდება ავიაკომპანიის შიდა და საერთაშორისო სტანდარტების შესაბამისად.